Şimal bölgəsində müşahidə olunan yağıntılı hava şəraiti bir sıra fəsadlara yol açıb. Bu problemlərdən biri də Xaçmaz şəhərində 7 nömrəli məktəbin qarşısında qeydə alınıb.
Shimal.News-un məlumatına görə, güclü yağışlardan sonra ərazi su ilə örtülüb, kanalizasiya xətlərinin yüklənməsi və ya tutulması ehtimalı səbəbindən sular yolun hərəkət hissəsinə axıb. Açıq qalan lyuklar isə vəziyyəti daha da təhlükəli edir.
Mövcud vəziyyət xüsusilə məktəblilər və piyadalar üçün risk yaradır, eyni zamanda nəqliyyatın hərəkətini çətinləşdirir.
