Xaçmaz şəhərinin Ramil Sadıqov küçəsinin sonunda yolun vəziyyəti sürücülər və piyadalar üçün ciddi çətinlik yaradır.
Sakinlərin Shimal.News-a danışdığına görə, ərazidə nə asfalt örtüyü, nə də normal yol səthi var. Küçə boyunca çala-çuxurlar və natəmizlik müşahidə olunur.
Şikayətçilər bildirirlər ki, yolun vəziyyətinin yaxşılaşdırılması ilə bağlı aidiyyəti qurumlara müraciət etsələr də, indiyədək nəticə olmayıb.
Məlumata görə, yolun bəzi hissələrinə yük maşını ilə iri daşlar tökülüb. Sakinlər isə narahatdırlar ki, payız yağışları başladıqda ərazi daha da keçilməz vəziyyətə düşəcək. Çalalarda su toplanması və palçığın yaranması həm avtomobillərin, həm də piyadaların hərəkətini çətinləşdirəcək.
Sakinlər problemin vaxtında həll olunmasını istəyirlər.
