Xaçmaz rayonunda bəzi çimərliklərdə dənizdə çimmək müvəqqəti qadağan edilib.
Shimal.News xəbər verir ki, bu barədə Səhiyyə Nazirliyi məlumat yayıb. Laborator müayinələr zamanı dəniz suyu nümunələrində sanitariya normalarına uyğun olmayan kimyəvi və mikrobioloji göstəricilər aşkarlanıb.
Məlumata görə, problem əsasən Xaçmazın Niyazoba ərazisində yerləşən çimərliklərdə qeydə alınıb. Burada tullantı və çirkab sularının dənizə qarışması səbəbindən suyun keyfiyyəti normadan kənara çıxıb.
Bu səbəbdən həmin çimərliklərdə və ərazidəki qeyri-qanuni çimərlik sahələrində çimmək müvəqqəti məhdudlaşdırılıb.
Qərarın icrası ilə bağlı aidiyyəti dövlət qurumları məlumatlandırılıb.
