Xaçmaz şəhərinin İzmaylovka yaşayış məntəqəsində bəzi küçələrdə yolun hərəkət hissəsində nahamarlıq yaranıb.
Shimal.News-a danışan sürücülərin sözlərinə görə, asfalt qarışığını daşıyan yük avtomobilindən həmin material yola səpələnib.
Nəticədə yolun səthində müxtəlif ölçülü təpələr əmələ qəlib və nəqliyyat vasitələrinin hərəkəti çətinləşib. Sürücülərin sözlərinə görə, problem xüsusilə 4 nömrəli məktəbin ətrafında daha çox hiss olunur.
Vətəndaşlar yolun asfalt qırıntılarından təmizlənməsini və ərazidə hərəkətin normal vəziyyətə gətirilməsini istəyirlər.
