Xaçmaz rayonunun Tikanoba kəndinin yolları sakinlərə çətinliklər yaşadır. Bu haqda ShimalNews 5 aprel tarixində “Report”a istinadən məlumat verir.
Bu yol 9 kəndi birləşdirir, onun ümumilikdə 6 kilometr uzunluğu var. Lakin uzun illərdir təmir olunmur.
Sakinlər deyirlər ki, yağış yağan kimi yol həm piyadalar, həm də nəqliyyat vasitələri üçün keçilməz olur. Məsələ barədə müvafiq qurumlara müraciətlər nəticə vermir.
Məsələ ilə bağlı Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli aşağıdakıları bildirib:
"Son illər ərzində mühüm layihələr icra olunub. Qeyd olunan yolun da yaxın gələcəkdə yenidən qurulması nəzərdə tutulub. Bununla bağlı işlərin icrası yaxın gələcəkdə təmin olunacaq".
