Təmir-quraşdırma və payız-qış mövsümünə hazırlıq işləri ilə əlaqədar Xaçmaz və Quba rayonlarının bir sıra kəndlərinin qaz təchizatında müvəqqəti fasilə yaranacaq.
Shimal.News xəbər verir ki, qaz təchizatında fasilə 15 sentyabr 2026-cı il tarixində saat 10:00-dan işlər yekunlaşanadək davam edəcək.
Qazın verilişi Xaçmaz rayonunun Şıxaput, Aşağı Zeyid, Alıc, Qədiməliqışlaq, Çılğır və Qaracikzeyid kəndlərində, həmçinin Quba rayonunun Çinarlı, Zizik, Dəlləkli və Elbir kəndlərində dayandırılacaq.
Qaz təchizatının işlər başa çatdıqdan sonra bərpa ediləcəyi bildirilir.
