Quba və Xaçmaz rayonlarının bir çox kəndlərində elektrik enerjisinin verilişi dayandırılıb.
Shimal.News xəbər verir ki, nəticədə 100 mindən çox sakin elektrik enerjisi və internet xidmətindən məhrum olub.
Məlumata görə, kabelləşmə işlərinin başa çatdığı bəzi ərazilərdə də hələlik elektrik enerjisi yoxdur.
Hazırda güclü külək davam edir. Bir sıra ərazilərdə qurumuş ağac budaqları küləyin təsirindən qırılaraq yollara və ətraf ərazilərə düşüb.
Elektrik enerjisinin nə vaxt bərpa olunacağı hələlik məlum deyil.
