Xaçmazın Şimali kəndinə aparan yolun vəziyyəti ilə bağlı Avtomobil Yolları Dövlət Agentliyi açıqlama verib. Bu barədə ShimalNews 31 yanvar tarixində məlumat verir.
Qurumun mətbuat xidmətinin rəhbəri Anar Nəcəfli bildirib ki, həmin yolda intensiv nəqliyyat axını olmur:
“Çox az istifadə edilən yoldur. Hava şəraitinin düzəlməsini gözləyirik. Həmin ərazidə çınqıl örtüyünün bərpası aparılacaq”.
Dünən Nabran ərazisində bu yolun 15 ilə yaxındır ki, yararsız vəziyyətdə olması haqda xəbər vermişdik. Bununla bağlı sosial şəbəkələrdə görüntülər yayılıb: yolsuzluq şəraiti avtomobilləri dəniz sahili ilə hərəkət etməyə məcbur edib.
