8 mindən artıq əhalinin yaşadığı Oğuz rayonunun Xaçmaz kəndində daxili yolların yararsız vəziyyətdə olması sakinlərin narazılığına səbəb olub.
Bu barədə Shimal.News-a danışan kənd sakinlərinin sözlərinə görə, yollarda yaranmış dərin çalalar və yağışlı havalarda əmələ gələn qalın palçıq qatı həm nəqliyyat vasitələrinin, həm də piyadaların hərəkətini ciddi şəkildə çətinləşdirir. Sakinlər demək olar ki, hər gün bu yararsız yollardan istifadə etməyə məcbur olduqlarını bildirirlər.
Məlumata görə, kəndin ümumi sahəsi 654 hektardır. Kənddaxili yolların ümumi uzunluğu isə 247 kilometrdən artıqdır.
Sakinlər aidiyyəti qurumlardan yolun qısa müddətdə təmir olunmasını istəyirlər.
