Azov dənizində pilotsuz uçuş aparatının hücumuna məruz qalan yük gəmisində həyatını itirən azərbaycanlılardan biri doğulduğu rayonda torpağa tapşırılıb.
Shimal.News xəbər verir ki, hadisə zamanı həlak olan Zaqatala rayonunun Aşağı Tala kənd sakini, 29 yaşlı Məhəmməd İlham oğlu Əliyevin nəşi vətənə gətirilib. O, kənd qəbiristanlığında dəfn olunub.
Xatırladaq ki, iyunun 5-nə keçən gecə göyərtəsində 25 azərbaycanlının olduğu iki yük gəmisi Azov dənizində hücuma məruz qalıb. Hadisə nəticəsində 4 Azərbaycan vətəndaşı həlak olub.
Mərhumun dəfn mərasimində ailə üzvləri, yaxınları və kənd sakinləri iştirak ediblər.
