Elm və Ali Təhsil üzrə Dövlət Agentliyinin direktoru Ülkər Səttarova Şəki şəhərində vətəndaşları qəbul edib.
Shimal.News xəbər verir ki, tədbirdə Balakən, Zaqatala, Qax, Şəki, Oğuz və Qəbələ rayonlarından olan sakinlər iştirak ediblər.
Qəbul zamanı vətəndaşlar ali və orta ixtisas təhsili, məşğulluq, təhsil sənədləri, eləcə də digər məsələlərlə bağlı müraciət ediblər.
Müraciətlər, o cümlədən şikayət və təkliflər diqqətlə dinlənilib, qaldırılan məsələlərə qüvvədə olan qanunvericiliyin tələblərinə uyğun olaraq müvafiq izahatlar verilib, bəzi müraciətlərin araşdırılması üçün aidiyyəti üzrə tapşırıqlar verilib.
Əlavə olaraq qeyd edək ki, Agentlikdə həftəiçi 5 gün saat 09:00–18:00 aralığında vətəndaş qəbulu aparılır. Rəhbər vəzifəli şəxslərin qəbuluna Elm və Təhsil Nazirliyinin Çağrı Mərkəzinin 146–6 nömrəsinə (yalnız iş günləri və iş saatları ərzində) zəng edərək yazılmaq mümkündür.
