Azərbaycanda icra başçıları bir-birindən təkcə yaşı və iş stajı ilə deyil, həm də təhsilləri və ixtisasları ilə fərqlənirlər. Onların bəziləri iki ali təhsil alıb.
Şimal bölgəsində iki ali təhsilə sahib icra başçıları haqqında məlumatları təqdim edirik.
Nahid Bağırov – İsmayıllı Rayon İcra Hakimiyyətinin başçısı iki ali təhsilə malikdir. O, 1999-cu ildə Azərbaycan Beynəlxalq Universitetinin Hüquq fakültəsini, 2006-cı ildə isə Bakı Dövlət Universitetinin Beynəlxalq hüquq ixtisasını bitirib. Nahid Bağırov 5 mart 2020-ci ildən İsmayıllı rayonuna rəhbərlik edir.
Asif Hüseynov – Şabran Rayon İcra Hakimiyyətinin başçısı da iki ali təhsillidir. O, Azərbaycan Texniki Universitetini və Bakı Dövlət Universitetini bakalavr pilləsi üzrə bitirib. Asif Hüseynov Prezident İlham Əliyevin sərəncamı ilə 5 aprel 2019-cu ildə vəzifəyə təyin olunub.
Tahir Məmmədov – Şamaxı Rayon İcra Hakimiyyətinin başçısı da iki ali təhsilə sahibdir. O, Mingəçevir Politexnik İnstitutunu və Bakı Dövlət Universitetini bitirib. Tahir Məmmədov ilk təhsilini iqtisadiyyat, ikinci təhsilini isə hüquqşünaslıq ixtisası üzrə alıb.
Mənbə: Mətbuat.az
