Ötən günlərdə keçirilən II və III ixtisas qrupları üzrə qəbul imtahanlarında Şabran, Siyəzən, Qusar rayonları və Quba şəhəri üzrə ümumilikdə 1076 nəfər abituriyent iştirak edib.
Bu barədə Quba-Xaçmaz Regional Təhsil İdarəsindən bildirilib.
Məlumata görə, region üzrə II ixtisas qrupunun imtahanlarında ümumilikdə 523 abituriyent iştirak edib. Bu qrup üzrə imtahan verənlərdən 1 nəfər coğrafiya fənni üzrə maksimum – 150 bal toplamağa nail olub.
III ixtisas qrupu üzrə imtahanlarda isə regiondan 557 abituriyent iştirak edib. Bu ixtisas qrupu üzrə yüksək nəticə göstərərək maksimum – 150 bal toplayanların sayı 4 nəfər təşkil edib. Onlardan 2 nəfəri tarix fənni üzrə, 1 nəfəri Azərbaycan dili fənni üzrə, daha 1 nəfəri isə coğrafiya fənni üzrə tam bal toplamaqla ən yüksək nəticəyə imza atıb.
Mənbə: azedu
