Şimal bölgəsində yağıntılı hava şəraiti davam edir. Artıq üçüncü gündür ki, bölgədə intensiv yağışlar müşahidə olunur, dağlıq ərazilərə isə qar yağıb.
Shimal.News xəbər verir ki, Quba rayonunun Qrız kəndində qar örtüyünün hündürlüyü 34 santimetrə, Xınalıq kəndində isə 22 santimetrə çatıb.
Bununla yanaşı, bölgədə yağan güclü yağışlar Qusar, Quba və Xaçmaz rayonlarında ciddi fəsadlara səbəb olub. Sel suları bəzi ərazilərdə infrastruktur obyektlərinə ziyan vurub, nəqliyyatın hərəkətində çətinliklər yaranıb.
