Şəki-Zaqatala iqtisadi rayonunda şagirdlərin PISA 2025 qiymətləndirməsində nəticələri bir sıra digər bölgələrlə müqayisədə daha yaxşı olub.
Shimal.News xəbər verir ki, Elm və təhsil naziri Emin Əmrullayev PISA 2025 – Şagird Qiymətləndirilməsi üzrə Beynəlxalq Proqramın nəticələrinə dair təqdimat zamanı regionlar üzrə göstəricilərdən danışıb.
Əmrullayevin sözlərinə görə, ən yüksək göstəricilər Abşeron-Xızı iqtisadi rayonu, Bakı və Sumqayıt şəhərlərində qeydə alınıb. Qazax-Tovuz, Qarabağ və Lənkəran-Astara iqtisadi rayonlarında isə riyazi savadlılıq, təbiət elmləri və oxu savadlılığı üzrə nəticələr zəif olub.
Nazir təhsildə aparılan dəyişikliklərin nəticələrinin qısa müddətdə deyil, uzun illər ərzində özünü göstərəcəyini vurğulayıb:
"Bu gün etdiyimiz dəyişikliklərin bəhrəsini isə yalnız 10 il sonra görəcəyik".
