Şamaxı rayonunda zəlzələlər nəticəsində zərər görən yaşayış evi illərdir qəzalı vəziyyətdədir.
"Kanal S"in məlumatına görə, təxminən 9 il əvvəl baş verən zəlzələ rayon sakininin evini yararsız hala salıb.
Bildirilib ki, 2021-ci ildə qeydə alınan növbəti zəlzələ isə mövcud dağıntıları daha da artırıb. Ev sahibi deyir ki, ikinci zəlzələdən sonra yaşayış evi tamamilə uçub-dağılıb, divarlarda ciddi çatlar yaranıb və evdə yaşamaq təhlükəli hal alıb.
Şikayətçi qeyd edir ki, uzun illər keçməsinə baxmayaraq, məsələ ilə maraqlanan olmayıb və dəfələrlə müraciət etsə də, nəticə əldə edə bilməyib.
Qeyd edək ki, zəlzələlərdən sonra zərər çəkmiş bir sıra evlər və obyektlər dövlət tərəfindən qeydiyyata alınaraq təmir edilib.
