Şimal rayonlarında aprelin 13-nə olan faktiki hava açıqlanıb.
Bu barədə Shimal.News-a Milli Hidrometeorologiya Xidmətindən məlumat verilib.
Bildirilib ki, Balakən-Şəki bölgəsində yağıntılar intensiv xarakterlidir, dağlıq ərazilərdə isə qar yağır.
Qar örtüyünün hündürlüyü Şahdağda 90, Zaqatalada (Əlibəy) 27, Qrızda 10, Xınalıqda 8, Qax (Sarıbaş) və Qusarda (Laza) 4 sm-dir.
Düşən yağıntının miqdarı Oğuz və Balakəndə 38, Qaxda 32, Şəkidə 31, Qəbələdə 18, Qusarda 8, Qubada 3, İsmayıllı, Xızıda 2, Şamaxı, Şabran, Xaçmaz, Ağsuda 1 mm-dək qeydə alınır.
Şəki, Quba, Qax (Sarıbaş), Zaqatala, Şamaxı, Xızı, Balakəndə duman müşahidə olunur, görünüş məsafəsi 500 metrədək məhdudlaşır.
