Aprelin 21-i saat 10:00-a olan məlumata görə, ölkə ərazisinin bəzi yerlərində şimşək çaxır, intensiv yağış yağır, dağlıq ərazilərdə isə qar müşahidə olunur.
Shimal.News xəbər verir ki, qar örtüyünün hündürlüyü Şahdağda 87 sm olmaqla ən yüksək göstərici qeydə alınıb. Digər dağlıq ərazilərdə qarın hündürlüyü 1–4 sm arasında dəyişir.
Ən çox yağıntı Oğuz (59 mm), Şəki (54 mm) və Qax (43 mm) rayonlarında qeydə alınıb.
