Şabran şəhərində əhaliyə su gündə 2 dəfə verilir. Bəzən vətəndaşlar buna da həsrət qalırlar.
Sakinlər Shimal.News-a təkrar müraciət edərək bildiriblər ki, vəziyyət acınacaqlıdır.
“Səhər və axşam saat 8:00-da 1-2 saatlıq su verilir. Bu vaxt bəzən təzyiq də olmur. Ehtiyat su yığmaq mümkün olmur. Bəzi yerlərdə zədəli borulardan su günlərlə küçələrə axır, əhali isə susuz qalıb. Biabırçılıqdır! Bəzən uşaqlara içmək üçün 1 qaşıq su tapılmır”, - deyə vətəndaşlar şikayət edirlər.
Bundan öncə su qıtlığından əziyyət çəkən M.Ə.Rəsulzadə küçəsinin sakinlərinin müraciətini dərc etdik. Üstəlik Hikmət Qasımov küçəsində yanğın hidrantından günlərlə təzyiq altında axan su küçədə çay əmələ gətirdiyi məsələ gündəm oldu.
Sakinlər haqlı olaraq bu kimi fərgli problemlərin Şabran ərazisində tüğyan etdiyini anlamırlar.
