Şabran şəhəri Samir Zülfüqarov adına 3 nömrəli tam orta məktəbin şagirdləri respublika səviyyəli müsabiqələrdə uğur əldə ediblər.
Shimal.News xəbər verir ki, "Mənim irsim danışır" müsabiqəsində məktəbin 9-cu sinif şagirdi Natavan Quliyeva final mərhələsinə vəsiqə qazanıb.
Eyni zamanda "Sabahın alimləri" XV Respublika Layihə Müsabiqəsində məktəbin şagirdləri Yusif Nağıyev və Arzu Seyidverdiyeva gümüş medal əldə ediblər. Onların "Görmə əngəlli insanlar üçün ultrasonik sensorlu əsa" layihəsi yüksək qiymətləndirilib.
Qeyd edək ki, şagirdlərin uğurunda müəllimlərin də xüsusi rolu vurğulanır.
