Şabran rayonunda yol və səkilərin abadlaşdırılması istiqamətində işlər aparılır.
Shimal.News xəbər verir ki, yol-nəqliyyat infrastrukturunun yaxşılaşdırılması məqsədilə mərhələli şəkildə genişmiqyaslı təmir və bərpa işləri həyata keçirilir.
Hazırda C. Cahangirov küçəsində səkilər bərpa olunur. Bununla yanaşı, Koroğlu, Tofiq İsmayılov, Salatın Əsgərov, Almaz Yıldırım, şəhid Seyfəddin Balağayev, M. Ə. Rəsulzadə, M. F. Axundov və R. Behbudov küçələrində yol salınması, səkilərin abadlaşdırılması və küçələrin işıqlandırılması istiqamətində işlər görülür.
Şabran Rayon İcra Hakimiyyətinin nümayəndəsinin bildirdiyinə görə, aparılan təmir işlərinin əsas məqsədi vətəndaşların rahat və təhlükəsiz hərəkətinin təmin edilməsidir.
Sakinlər rayonda həyata keçirilən bu cür layihələri müsbət qiymətləndirir və görülən işlərin Şabranın sosial-iqtisadi inkişafına mühüm töhfə verəcəyini bildirirlər.
