Şabran rayonunda traktor və avtomobil toqquşub, 1 nəfər ölüb və 4 nəfər yaralanıb.
Unikal.az-ın məlumatına görə, hadisə Ağalıq kəndində baş verib.
“Belarus” markalı traktor yola çıxan zaman qarşı istiqamətdə hərəkətdə olan “VAZ-2106” markalı minik avtomobilinə çırpılıb. Nəticədə avtomobildə olan sərnişin Gülmirə Rəşid qızı Aslanova hadisə yerindəcə həyatını itirib.
Digər dörd nəfər, Şabran rayon sakinləri Nərminə Cəfərova, Nuray Əliyeva, Mərt Aslanov və Zeynəb Aslanova müxtəlif dərəcəli bədən xəsarətləri ilə Xaçmaz Rayon Mərkəzi Xəstəxanasına aparılıblar.
Hadisə ilə bağlı araşdırma aparılır.
