Bakı-Quba yolunun Şabran rayonu ərazisindən keçən hissəsində baş verən ağır yol qəzasının detalları məlum olub.
Shimal.News-un əldə etdiyi məlumata görə, mərhum Tural Əliyevi vuran avtomobil hadisə yerindən uzaqlaşıb. Bu zaman hərəkətdə olan digər avtomobil zərbədən yerə yıxılan Turalın üstündən keçib.
Tural Əliyev (Qənbərli) iqtisad elmləri doktoru, Azərbaycan Dövlət İqtisad Universitetinin professoru Ümüdvar Əliyevin oğludur. O, həm də Dünya Azərbaycanlıları Konqresinin Avropa ölkələri üzrə koordinatoru Əli Hacı Ağaevlinin kürəkəni idi.
