Şabran rayonunda yol-nəqliyyat hadisəsi baş verib.
Baş Dövlət Yol Polisi İdarəsindən Avtosfer.az-ın sorğusuna cavab olaraq bildirilib ki, qəza avqustun 5-də saat 13:45 radələrində Bakı-Quba-Dağıstan sərhəd yolunun Şabran rayonu Aygüllü kəndinin 137-ci kilometrliyində qeydə alınıb:
“Belə ki, Quba rayonu İqrığ kənd sakini 1985-ci il təvəllüdlü Abdullayev Elvin Mübariz oğlunun idarə etdiyi “DAF” markalı yük maşını, Ağsu şəhər sakini 1992-ci il təvəllüdlü Bayramov Azər Abbas oğlunun idarə etdiyi “Ford Transit” markalı yük maşınıyla toqquşub. Hadisə zamanı hər iki nəqliyyat vasitəsinə maddi ziyan dəyib, “Ford”un sürücüsü - Azər Bayramov bədən xəsarətləri alıb”.
Qeyd edək ki, faktla bağlı araşdırma aparılır.
