Şabran rayonunun Rəhimli kəndində yerləşən "Bağçalı" otelində aparılan yoxlama zamanı ciddi yanğın təhlükəsizliyi pozuntuları aşkarlanıb.
Shimal.News xəbər verir ki, Fövqəladə Hallar Nazirliyinin Dövlət Yanğın Nəzarəti Xidməti tərəfindən keçirilən yoxlama zamanı obyektin yanğın siqnalizasiya sisteminin nasaz olduğu, ilkin yanğınsöndürmə vasitələri ilə təmin edilmədiyi, elektrik təsərrüfatının qaydalara uyğun qurulmadığı və təxliyə planının olmadığı müəyyən edilib.
Bundan əlavə, daxili yanğın kranlarının işləmədiyi, tüstü bacasının təmizlənmədiyi və digər təhlükəli nöqsanların mövcud olduğu bildirilib.
Aşkarlanan ciddi pozuntular nəzərə alınaraq, otelin fəaliyyətinin dayandırılması barədə qərar qəbul olunub.
