Şabran rayonunda da ekoloji vəziyyətin yaxşılaşdırılması və su hövzələrinin qorunması məqsədilə təmizlik aksiyası təşkil olunub.
Shimal.News xəbər verir ki, aksiya zamanı rayon ərazisindən axan çaylarda toplanmış məişət tullantıları yığışdırılaraq daşınıb.
Təmizlik işlərinə Şabran rayon Kommunal Təsərrüfat Birliyinin əməkdaşları və xüsusi texnikalar cəlb olunub. Çayın məcrasından çıxarılan tullantılar ərazidə antisanitariyanın qarşısını almağa və ekoloji tarazlığın qorunmasına xidmət edir.
Qeyd edək ki, belə aksiyalar ətraf mühitin mühafizəsinə dair ictimaiyyətdə məsuliyyət hissinin güclənməsinə də töhfə verir.
