Şabranda bir müddət əvvəl körpü uçub, nəticədə sakinlərin işi çətinləşib.
Görüntülər Şabran rayonunun Bor-Bor kəndindəndir. Şabrançaya gələn sel kənd körpüsünü yararsız vəziyyətə salıb. Sakinlər bildirirlər ki, övladları qonşu kənddə təhsil alır. Yol bağlı olduğu üçün, onlar çayı keçmək üçün uşaqları çiyinlərində, təhlükəli şəraitdə aparmağa məcbur qalırlar.
Əslində alternativ yol mövcuddur, lakin bunun üçün vətəndaşlar 20 km məsafə qət etməlidirlər.
Şabran Rayon İcra Hakimiyyətindən verilən məlumata görə, beton ötürücülər mart ayında baş verən sel nəticəsində dağılıb. Hazırda çayda suyun səviyyəsinin yüksək olması və yağıntılı hava şəraiti səbəbindən ərazidə iş aparmaq çətinləşir. Suyun səviyyəsi aşağı düşdükdən sonra əraziyə texnika cəlb edilərək körpü bərpa olunacaq. Körpünün yenidən qurulması ilə bağlı aidiyyəti qurumlara da müraciətlər ünvanlanıb.
Daha ətraflı XəzərXəbər-in videomaterialında.
