Şabran rayonunun Dağbilici kənd sakini Bayram Ağasıyev Novruz bayramı ilə bağlı qədim adət-ənənələrdən söz açıb.
Onun sözlərinə görə, bayram günlərində yaşlı nəslin qadınları bir yerə toplaşardılar. Kişilər isə ayrı bir otaqda yığışaraq söhbət edərdilər. Daha sonra dualar oxunar, yeni ilə sağ-salamat çatdıqları üçün Allaha şükür edilərdi.
Şabran sakini keçmiş toy və ailə adətlərinə də toxunub. Bildirib ki, gəlin ata evindən köçən zaman bir-iki gün atasını və qardaşını görməzdi. Gəlin evdən çıxan gün atasının əlindən və ayağından öpərək halallıq alardı. Oğlanın atası isə gəlinin belinə üç dəfə qırmızı kəmər bağlayıb açar, başının üzərində çörək tutardı. Bu mərasim "xeyir-bərəkət aparasan, getdiyin evə uğur gətirəsən" anlamını ifadə edirdi.
Daha ətraflı Baku TV-nin videomaterialında.
@shimalnews
