Mayın 2-də Şəki-Zaqatala bölgəsi üzrə məktəblilərarası fənn müsabiqələrinin və Lütfi Zadə adına riyaziyyat-məntiq olimpiadasının yarımfinal turu keçirilib.
Shimal.News xəbər verir ki, Regional Təhsil İdarəsindən verilən məlumata görə, yarımfinal mərhələsində region üzrə ümumi təhsil müəssisələrindən 815 şagird iştirak edərək biliyini sınayıb.
Bildirilib ki, müsabiqələrin əsas məqsədi istedadlı şagirdləri aşkar etmək, onların məntiqi və yaradıcı düşünmə bacarıqlarını inkişaf etdirmək, həmçinin sağlam rəqabət mühiti formalaşdırmaqdır.
