Xəzər Universitetində yeni kadr təyinatı olub.
Nocomment.az-ın məlumatına görə, müvafiq əmrlə Yer elmləri üzrə fəlsəfə doktoru Elvin Əhmədov Universitetdə Departament müdiri (Neft mühəndisliyi) vəzifəsinə təyin edilib.
O, paralel olaraq fəaliyyətini SOCAR-da şöbə müdiri vəzifəsində davam etdirir.
Elvin Hacıqulu oğlu Əhmədov 1984-cü il 6 aprel tarixində Siyəzən rayonunda anadan olub. O, 2005-ci ildə Azərbaycan Dövlət Neft Akademiyasının "Neft və qazın geologiyası" ixtisası üzrə bakalavr, 2009-cu ildə isə "Dəniz neft-qaz geologiyası" ixtisası üzrə magistr pilləsini fərqlənmə ilə bitirib.
O, SOCAR-da Həmkarlar İttifaqı Komitəsinin (HİK) Təftiş Komissiyasının sədridir. Elvin Əhmədov 2008-ci ildən SOCAR-da işə başlayıb.
