Quba-Xaçmaz Regional Mədəniyyət İdarəsinin rəisi Vüsal İbrahimovun əmri ilə Qusar Tarix-Diyarşünaslıq Muzeyinə yeni rəhbər təyinatı olub.
Shimal.News-un məlumatına görə, müvafiq əmrlə muzey direktorunun vəzifə səlahiyyətlərinin icrası Lamiyə Abdullayevaya həvalə edilib.
1992-ci ildə Qusar şəhərində anadan olan Lamiyə Abdullayeva ali təhsilli tarix müəllimidir. O, 2016-cı ildən Qusar rayon Heydər Əliyev Mərkəzində bələdçi kimi fəaliyyət göstərib, eyni zamanda Ləçət kəndində və Qusar Peşə Liseyində pedaqoji işlə məşğul olub.
Yeni təyin olunan rəhbər rayonun mədəni-ictimai həyatında fəal iştirakı və müxtəlif tədbir və sərgilərin təşkilindəki fəaliyyəti ilə tanınır.
