Qusarın Caqarqışlaq kəndində şəhid Əmiraslan Xəlil oğlu Xeyirbəyovun ailəsi ziyarət edilib.
Shimal.News xəbər verir ki, tədbirdə icra başçısı Sahir Məmmədxanov, Səfərbərlik və Hərbi Xidmətə Çağırış üzrə Dövlət Xidmətinin Qusar Rayon Şöbəsinin rəisi və digər məsul şəxslər iştirak ediblər. Şəhid ailəsinin qayğıları ilə yaxından maraqlanıblar.
Görüş zamanı icra başçısı şəhidin Azərbaycan Respublikasının Prezidenti cənab İlham Əliyevin Sərəncamı ilə verilmiş "Vətən uğrunda" medalını şəhidin atası Xəlil Xeyirbəyova təqdim edib.
Şəhid Əmiraslan Xəlil oğlu Xeyirbəyov 1996-cı il dekabrın 10-da Qusar rayonunun Caqarqışlaq kəndində anadan olub. O, 2016-cı il aprelin 2-də Azərbaycan-Ermənistan təmas xəttində baş verən döyüşlərdə qəhrəmancasına şəhid olub. Şəhid aprelin 9-da doğulduğu kənddə dəfn edilib. Ölümündən sonra "Hərbi xidmətdə fərqlənməyə görə" III dərəcəli medalı ilə təltif olunub.
