Quba–Xaçmaz bölgəsində keçirilən müəllimlərin sertifikasiya imtahanında Qusar rayonundan olan müəllim ən yüksək nəticələrdən birinə imza atıb.
Qusar rayonunun Caqarqışlaq kənd tam orta məktəbində 2018-ci ildən informatika müəllimi kimi çalışan Sevinc Məhsimova imtahandakı bütün sualları düzgün cavablandıraraq maksimum 60 bal toplayıb.
Sevinc Məhsimova bildirib ki, imtahanda asan, orta və çətin səviyyəli suallar yer alsa da, bütün tapşırıqları düzgün yerinə yetirməyə nail olub.
Sertifikasiya prosesini müsbət qiymətləndirən müəllim qeyd edib ki, bu imtahanlar müəllimlərin biliklərini yeniləməsinə, öz üzərində daha çox işləməsinə və peşəkar inkişafına töhfə verir. O, həmçinin sertifikatlaşdırmanın əməkhaqqının artırılması baxımından da əhəmiyyətli olduğunu vurğulayıb.
"Müəllimlərə tövsiyə edərdim ki, "asan olacaq, yoxsa çətin" deyə düşünmək əvəzinə, məqsədyönlü şəkildə hazırlaşsınlar", – deyə Sevinc Məhsimova bildirib.
