Qusar rayonunun Yuxarı Zeyxur kənd tam orta məktəbinin məzunu Emiliya Qayıbova 689,4 balla Bakı Ali Neft Məktəbinin Data analitikası ixtisasına qəbul olub.
Shimal.News xəbər verir ki, bu münasibətlə Bakı Ali Neft Məktəbinin rektoru Elmar Qasımov Emiliya və valideyni ilə görüşərək onun uğurunu yüksək qiymətləndirib.
"Belə istedadlı, bilikli və məqsədyönlü gənclərimizin Bakı Ali Neft Məktəbini seçməsi bizim üçün böyük qürurdur", - deyə rektor bildirib.
Qeyd edək ki, Emiliya Qayıbova tam orta təhsil pilləsini yüksək nailiyyətlərlə başa vuraraq "Qızıl nişan"a layiq görülüb. Nişan ona Quba-Xaçmaz Regional Təhsil İdarəsinin müdiri Coşqun Əliyev tərəfindən təqdim olunub.
