Qusar rayonunda şəhərin abadlaşdırılması və sakinlərin rahatlığının təmin olunması istiqamətində abadlıq-quruculuq işləri davam etdirilir.
Shimal.News xəbər verir ki, bu barədə Qusar Rayon İcra Hakimiyyəti məlumat yayıb.
Bildirilib ki, şəhərin Səfixanov, Fəxrəddin Musayev, Asəf Mehman və digər əsas küçə və prospektlərində genişmiqyaslı təmizlik işləri aparılıb. Yolların kənarları kol-kosdan təmizlənib, yaşıllıqlara aqrotexniki qaydada qulluq göstərilib.
Bununla yanaşı, şəhərin ümumi estetik görünüşünün yaxşılaşdırılması məqsədilə binaların, səki divarlarının və ictimai məkanların fasadları rənglənib.
