Qusar rayonunun Hil kəndində elektrik enerji şəbəkəsi yenidən qurulacaq.
Shimal.News xəbər verir ki, bu Qusar Rayon İcra Hakimiyyətinin sakinlərlə görüşündə bildirilib.
Hil kəndində 24 ədəd yeni transformator yarımstansiyası quraşdırılacaq, 10 kV-luq və 0.4 kV-luq elektrik xətləri müasir standartlara uyğun şəkildə yenidən çəkiləcək.
Eyni zamanda, istismar müddətini başa vurmuş açıq tipli naqillər demontaj edilərək izolyasiyalı naqillərlə əvəz olunacaq. Layihənin əsas məqsədi kənddə elektrik enerjisinin keyfiyyətini artırmaq, fasiləsiz və dayanıqlı təchizatı təmin etməkdir.
