Qusar rayonunda yük avtomobili yolda işləyən fəhləni vurub. Nəticədə o, aldığı xəsarətlərdən hadisə yerindəcə ölüb. Bu barədə ShimalNews 6 aprel tarixində “Report”a istinadən məlumat verir.
Hadisə Bakı-Quba-Rusiya ödənişli avtomagistralında baş verib. Həmin ərazidə elektrik xətlərində təmir işləri aparan 54 yaşlı Bakı şəhər sakini Şakir Abdullayev dünyasını dəyişib.
Onun meyiti müayinə olunması üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin rayon şöbəsinə təhvil verilib.
Faktla bağlı araşdırma aparılır.
