Quba rayonunun Püstəqasım kəndində yol işıqlandırılmır. Xüsusilə yağışlı havalarda sürücülər və piyadalar üçün həyati təhlükə yaranır.
Sakinlərin Shimal.News-a bildirdiyinə görə, kənd yolu illərdir qaranlığa qərq olub. Bununla da yol kənarında hərəkət edən piyadaları, eləcə də yola çıxan at və digər heyvanları görmək çətindir.
Sakinlər bildirirlər ki, yağışlı havalarda görünüş məsafəsi daha da azalır. Yolun məktəb istiqamətindəki hissəsində də işıqlandırmanın olmaması narahatlıq yaradır.
Problemlə bağlı müraciətlərə baxılmadığını bildirən sakinlər aidiyyəti qurumlardan yol kənarında işıqlandırma sisteminin qurulmasını xahiş edirlər. Vəziyyəti əks etdirən video görüntülər də təqdim olunub.
