Quba rayonunun dağlıq ərazisində 8–10 fərddən ibarət ağbaş kərkəs dəstəsi müşahidə olunub.
Shimal.News xəbər verir ki, nadir quşlar sıldırım qayalıqlarda lentə alınıb. Müşahidələr zamanı onların yuva qurmaq üçün belə əlçatmaz və qayalı ərazilərdən istifadə etdiyi qeydə alınıb.
Azərbaycanın ən iri quşları sırasında yer alan ağbaş kərkəslərin qanad açıqlığı 2,5 metrdən çox olur. Bu quşlar əsasən Böyük və Kiçik Qafqaz dağlarında yayılıb və dəniz səviyyəsindən 2000–3000 metr yüksəkliklərdə məskunlaşırlar.
Onlar əsasən quru dağ dərələrində, sıldırım qayalıqlarda və kiçik mağaralarda yuva qururlar.
Peşəkar fotoqraf Lyokinin Quba dağlarında lentə aldığı görüntüləri təqdim edirik.
