Quba şəhərinin Heydər Əliyev prospektində avtomobil yolunun hərəkət hissəsində qazılmış asfalt mühafizə olunmayıb.
Shimal.News-a daxil olan məlumata görə, bir müddət əvvəl ərazidə su borusu partladığı üçün qazıntı işləri aparılıb və nasazlıq aradan qaldırılıb. Lakin qazılmış hissədə sürücüləri və piyadaları xəbərdar edən nişan və ya digər təhlükəsizlik vasitələri quraşdırılmayıb.
Sakinlər və sürücülər qeyd edirlər ki, xəbərdarlıq nişanının olmaması xüsusilə gecə saatlarında hərəkət iştirakçıları üçün risk yaradır və qəza təhlükəsini artırır.
Onlar aidiyyəti qurumlardan ərazidə müvafiq təhlükəsizlik nişanlarının quraşdırılmasını və yolun tam bərpasının sürətləndirilməsini xahiş edirlər.
