Qubanın 61 yaşlı Xucbala kənd sakini, Şabəddin İmanquliyev müalicə üçün resept aldıqdan sonra qeyri-adi hərəkətlərə yol verib.
Oxu.az-ın məlumatına görə, kişi aptekə silahlı basqın etdiyinə görə məhkum edilib.
Hadisənin təfərrüatları məlum olub. Həmin gün Ş.İmanquliyev, təsadüfən rastlaşdığı traktorçunun nəqliyyat vasitəsini icazəsiz götürüb. O, rayon mərkəzi istiqamətində hərəkət edərkən polis əməkdaşları tərəfindən saxlanılsa da, tabe olmayaraq qaçıb.
Bir neçə saat gizləndikdən sonra o, Quba şəhərində yerləşən aptekə daxil olaraq resept üzrə dərmanları tələb edib. Dərmanları götürdükdən sonra pul ödəməkdən imtina edən şəxs, etiraz edən aptek əməkdaşını bıçaqla hədələyib. Hadisəyə müdaxilə edən aptek rəhbəri də eyni şəkildə təhdid olunub.
Hadisə yerinə gələn polis əməkdaşları tərəfindən Şabəddin İmanquliyev saxlanılıb. Faktla bağlı cinayət işi başlanılıb və məhkəmənin hökmü ilə o, 4 il 2 ay müddətinə azadlıqdan məhrum edilib.
