Quba rayonunda şəhid ailələri və müharibə ilə əlaqədar əlilliyi müəyyən olunmuş şəxslər üçün mənzil təminatı layihəsi həyata keçiriləcək.
Shimal.News xəbər verir ki, Nazirlər Kabinetinin 8 sentyabr 2026-cı il tarixli Sərəncamı ilə 2027-ci il üzrə dövlət-özəl tərəfdaşlığı layihələrinin siyahısı təsdiqlənib.
Siyahıda Gəncə şəhəri və Quba rayonunda müharibə ilə əlaqədar əlilliyi müəyyən olunmuş şəxslər və şəhid ailələri üçün mənzil təminatını nəzərdə tutan layihə də yer alıb.
Layihənin ilkin ehtimal olunan miqyası 280 mənzildir. Mənzillərin dəqiq sayı növbəti mərhələlərdə müəyyənləşdiriləcək. Layihənin istismar müddətinin isə 30 il olması nəzərdə tutulur.
Layihənin detalları texniki-iqtisadi əsaslandırma sənədləri əsasında hazırlanacaq şərtlər toplusunda müəyyən ediləcək.
