Azərbaycan Qida Təhlükəsizliyi İnstitutunun (AQTİ) laboratoriya şəbəkəsinin imkanları ötən dövrdə daha da genişləndirilib. 6 ay ərzində 545 252 müayinə aparılıb. Uyğunsuzluq göstəricisi cəmi 0,28% təşkil edib.
Bu fikirləri Azərbaycan Qida Təhlükəsizliyi Agentliyinin (AQTA) 2026-cı ilin ilk 6 ayı üzrə fəaliyyətinin yekunlarına dair mətbuat konfransında AQTA-nın sədr müavini Əli Nəbiyev deyib.
Onun sözlərinə görə, laboratoriyalarda eyni vaxtda 600-dən çox pestisid və 60-dan çox farmakoloji maddə qalıqları təyin edilir. Mənşə təyini üzrə 10-dan artıq heyvan növü (bu ildən ilk dəfə olaraq dəvə əti də daxil olmaqla) sınaqdan keçirilir.
Quduzluq əleyhinə "Rabisafe" vaksin tərkibli cəlbedici yemin ölkəmizdə istehsalı məqsədilə Quba rayonunda xüsusi istehsal sahəsi yaradılıb.
