2026-2027-ci tədris ilindən etibarən Azərbaycan Dövlət Pedaqoji Universitetinin (ADPU) Quba filialında ilk dəfə aqronomluq ixtisası üzrə tədrisə başlanılacaq.
Beləliklə, Gəncədə fəaliyyət göstərən Azərbaycan Dövlət Aqrar Universitetindən sonra aqronomluq ixtisası Şimal bölgəsində də tədris olunacaq.
Rayon rəhbərinin kəndlərdə və təsərrüfatlarda keçirdiyi görüşlər zamanı aqronom çatışmazlığı ilə bağlı problem dəfələrlə gündəmə gətirilib.
Məsələ Nazirlər Kabineti qarşısında qaldırılıb. Nazirlər Kabinetinin müsbət qərarından sonra ADPU-nun Quba filialında aqronomluq ixtisasının açılması ilə bağlı müvafiq qurumlara tapşırıqlar verilib.
Artıq proses yekunlaşıb. Yeni tədris ilindən etibarən ADPU-nun Quba filialında aqronomluq ixtisası üzrə 20 tələbə təhsil almağa başlayacaq.
Mənbə: Bizim.Media
