İqlim dəyişiklikləri üzrə gənclərin II Lokal Konfransı — "II LCOY Azərbaycan 2026" Qubada davam edir.
Bakı Dövlət Universitetinin Quba Tədris-Təcrübə və İstirahət Mərkəzində keçirilən konfransın ikinci günü Milli Gənclər Bəyanatının hazırlanmasına həsr olunub.
Tədbir Azərbaycanda ikinci dəfə təşkil edilir. Konfransın rəsmi açılış mərasimi sentyabrın 11-də ADA Universitetində baş tutub.
"LCOY Azerbaijan 2026"nın əsas təşkilatçısı dayanıqlı inkişaf, ekoloji təhsil və gənclərin ətraf mühitlə bağlı qərarların qəbulunda fəal iştirakını təşviq edən "EkoSfera" Ekoloji-Sosial Mərkəzidir.
Mərkəz YOUNGO-nun LCOY İş Qrupu tərəfindən artıq ikinci ildir ki, Azərbaycanda konfransın təşkilatçısı seçilir.
Mənbə: Azərtac
