Quba rayonunun Qaraçay qəsəbəsində yağan intensiv yağışlar ciddi fəsadlara səbəb olub.
Shimal.News-un məlumatına görə, güclü yağıntı nəticəsində fərdi yaşayış evlərindən biri zərər görərək yararsız vəziyyətə düşüb. Yağış suları evin divarlarını və bünövrəsini yuyaraq uçquna səbəb olub, nəticədə tikili qismən dağılıb.
Hadisə nəticəsində bir ailə evsiz qalıb. Ərazi müvəqqəti olaraq örtüklərlə bağlansa da, evin yaşayış üçün təhlükəli olduğu bildirilir.
Sakinlər aidiyyəti qurumlardan kömək gözləyir.
