Quba rayonunun Tülər-Yenikənd-Möhüc kəndlərinə gedən avtomobil yolu yağan intensiv yağışlardan sonra ciddi şəkildə zədələnib.
Shimal.News-a danışan sakinlərin sözlərinə görə, güclü yağıntılar nəticəsində yolun bir hissəsi aşınıb, hərəkət üçün təhlükəli vəziyyət yaranıb. Bildirilir ki, ərazidə hər hansı təmir-bərpa işi aparılmır, yalnız xəbərdarlıq nişanları qoyulmaqla kifayətlənilib.
Xüsusilə gecə saatlarında bu yoldan istifadə edən sürücülər üçün vəziyyətin daha da riskli olduğu qeyd olunur.
Sakinlər aidiyyəti qurumlardan yolda təxirəsalınmaz tədbirlərin görülməsini istəyirlər.
