Qubada qırmızı işıqda keçən avtomobil qəza törədib. Bu barədə ShimalNews 20 aprel tarixində məlumat verir.
Hadisə aprelin 19-u Heydər Əliyev prospekti ilə Memar Əcəmi küçəsinin kəsişməsində qeydə alınıb. “Chevrolet Niva” və “VAZ-2107” markalı avtomobillər toqquşub.
Şahidlər bildiriblər ki, “Niva” H.Əliyev prospekti ilə üzüyuxarı hərəkət edib. Bu vaxt işıqforun yaşıl işığını gözləməyən “07” yol kəsişməsinə daxil olub və toqquşma baş verib.
Xəsarət alan yoxdur.
