Quba sakini Abşeron rayonunun Saray qəsəbəsi ərazisində qəzaya düşüb. Həmin hadisədə 1 nəfər dünyasını dəyişib. Bu barədə ShimalNews 1 avqust tarixində DİN-in Mətbuat Xidmətinə istinadən məlumat verir.
Yol-nəqliyyat hadisəsi iyulun 31-də saat 14:00 radələrində baş verib. Qobu qəsəbə sakini T.Səmədovun idarə etdiyi “Ford” markalı (yük) və Quba rayon sakini T.İbrahimovun idarə etdiyi “Range Rover” markalı avtomobillər toqquşub. Nəticədə “Ford” aşıb, onun daxilində olan sərnişin E.Həzrətquliyev hadisə yerində ölüb.
Abşeron Rayon Polis İdarəsində araşdırma aparılır.
