Qubanın Qırmızı qəsəbəsini və Qusarın Quxuroba kəndini birləşdirən yolun təmiri 2024-cü ilin büdcəsinə salınıb. Bu haqda ShimalNews 18 dekabr tarixində məlumat verir.
Prezident İlham Əliyevin Sərəncamına əsasən, görüləcək işlər üçün ilkin olaraq, 1.5 milyon manat Azərbaycan Avtomobil Yolları Dövlət Agentliyinə ayrılıb. Nazirlər Kabineti Sərəncamdan irəli gələn məsələləri həll edəcək.
Qırmızı qəsəbə‒Quxuroba avtomobil yolu 22.000 əhalinin yaşadığı 11 yaşayış məntəqəsini birləşdirir.
